ایک روزہ فلاحی کیمپ برائے مصنوعی اعضا و بحالی معذوراں 16 اگست کولگایا جائیگا

ملتان (سٹاف رپورٹر) ملتان میں آر سی پی ڈی ضلع بہاول نگر اور لائف پلس ویلفیئر ہسپتال کے زیر اشتراک ایک روزہ فلاحی کیمپ برائے مصنوعی اعضا و بحالی معذوراں 16 اگست بروز جمعہ لائف پلس ویلفیئر ہسپتال عثمان غنی روڈ مکہ ٹائون میں لگایا جائے گا۔ کیمپ کے منتظم ڈٓاکٹر ندیم کے مطابق ڈاکٹر رمضان عباسی اسکا افتتاح کریں گے۔ غریب اور مستحق مریضوں کو گھٹنے سے نیچے کٹی ہوئی مصنوعی ٹانگ مفت لگائی جائے گی۔ کیمپ میں معذور سی پی چائلڈ کیلئے سپورٹ، مصنوعی ہاتھ، مصنوعی ٹانگیں، فریکچر سپورٹ، ٹیڑھے پائوں کیلئے شوز، ٹیڑھی کمر کیلئے بیلٹ، گردن کے کالر اور مہروں کیلئے سپورٹ بارے بھی آگاہی دی جائے گی ۔ ڈاکٹر صدام حسین، ڈاکٹر راشد منہاس، ڈاکٹر قرات حفیظ اور ڈاکٹرعالیہ بتول مریضوں کا معائنہ کریں گے۔ کیمپ صبح 9سے شام5 بجے تک جاری رہے گا۔