پاکستان پائیدار ترقی کے اہداف کے حصول کیلئے پرعزم ہے ، سپیکر

اسلام آباد( نمائندہ خصوصی )سپیکر قومی اسمبلی سردار ایاز صادق نے کہاہے کہ جینڈر ایمپاورمنٹ اور پائیدار ترقی کے حصول کیلئے مکالمہ اور باہمی تعاون پر مبنی حکمت عملی تیار کرنا ضروری ہے جینڈر ایمپاورمنٹ اور گرین اکانومی کا آپس میں گہرا تعلق ہے، جینڈر ایمپاورمنٹ فار گرین اکانومی کے موضوع پر علاقائی اجلاس کے شرکاء سے خطاب کرتے ہوئے سپیکر نے کہا کہ پاکستان پائیدار ترقی کے اہداف کے حصول کیلئے پرعزم ہے ۔پارلیمان نے صنفی مساوات، خواتین کو بااختیار بنانے اور پائیدار ترقی کے اہداف کے حصول کیلئے ترجیحی بنیادوں پر اقدامات کئے ہیں۔ انہوں نے کہا کہ گرین اکانومی نہ صرف ماحولیاتی ضرورت ہے بلکہ یہ سماجی انصاف اور معاشی استحکام کا راستہ بھی ہے۔