کوہ پیما مراد سدپارہ براڈ پیک کی مہم جوئی کے دوران جاں بحق

لاہور (نیوزرپورٹر)پاکستانی کوہ پیما مراد سدپارہ براڈ پیک کی مہم جوئی کے دوران جاں بحق ہو گئے۔براڈ پیک ریسکیو ٹیم کیمپ ون پہنچی جس نے مراد سدپارہ کے جاں بحق ہونے کی تصدیق کر دی۔ریسکیو ٹیم کے مطابق مراد سدپارہ کی لاش جاپانی کیمپ پہنچا دی گئی اور 2 مزید کوہ پیما ہیلی کاپٹر کے ذریعے بیس کیمپ پہنچے۔ ریسکیوٹیم کے 4 ممبر رات ایک بجے بیس کیمپ سے روانہ ہوئے تھے، مراد سدپارہ ہفتے کے روز سر پر پتھر لگنے سے شدید زخمی ہوئے تھے۔ مراد سدپارہ نے کے ٹو سمیت 8 ہزار فٹ سے بلند 4 پہاڑ سر کیے تھے۔کوہ پیما مراد سدپارہ نے گزشتہ ہفتے کے ٹو کی بلندی سے کوہ پیما کی لاش کو اتارا تھا، وہ کے ٹو کی صفائی مہم کی قیادت کر رہے تھے۔دریں اژناء وفاقی وزیرداخلہ محسن نقوی نے معروف کوہ پیما مراد سد پارہ کے جاں بحق ہونے پر گہرے دکھ اور افسوس کا اظہار کیا ہے۔وزیرداخلہ محسن نقوی نے مراد سد پارہ کے خاندان سے دلی ہمدردی اور تعزیت کا اظہار کیا۔اور ان کی خدمات کو خراج عقیدت پیش کیا۔