روس سےگیس برآمدکےٹرمینلز2026ء تک تیارہوجائیں گے

اسلام آباد (خالد مصطفیٰ ) ایک بڑی پیش رفت کے تحت روس نے پاکستان کو آگاہ کیا ہے کہ ایل این جی بر آمدات کےلیے ٹر منلز 2026ء تک تیار ہو جائیں گے ۔ اس حوالے سے گیس کی تجارت کےلیے پاکستان اور روس سنجیدگی سے غور کررہے ہیں ۔ جبکہ قطر سے حکومتی سطح پر دو طویل المعیاد معاہدے کئے جائیں گے۔ پیر کو یہاں وزارت تو انائی کے ایک سینئر افسر نے بتایا کہ پاکستان نے قطر سے گیس کی درآمد کا پہلا 15سالہ معاہدہ فروری 2016ء میں کیا تھا ۔ جبکہ قطر سے گیس درآمد کا دوسرا معاہدہ 26فروری 2021ء کو کیا گیا ۔ اس کے علاوہ 2017میں پاکستان ایل این جی لمیٹڈ ایل این جی ٹر یڈ نگ کمپنیوں ای این آئی اورگنورسے گیس درآمد کے معاہدے کئے ۔ اس وقت پاکستان کو قطر سے ماہانہ کی بنیاد پر دو کارگو سر کاری سطح پر مل رہے ہیں ۔