پاکستان ائیر پورٹس اتھارٹی نے لوگو ڈیزائن کیلئے تجاویزطلب کرلیں

کراچی(این این آئی)پاکستان ائیرپورٹس اتھارٹی نے لوگو ڈیزائن کرنے کیلئےتجاویز مانگ لی ہیں۔ ائیر پورٹس اتھارٹی نے کہا ہے کہ تمام ملازمین نئے لوگو کو ڈیزائن کرنے میں اپنی تجاویز دیں۔ تمام ڈائریکٹر ز اور ایڈیشنل ڈائریکٹرز کو اس عمل میں ملازمین کی زیادہ سے زیادہ شرکت یقینی بنانے کی ہدایت کی گئی ہے۔اگست کی 22 تاریخ تک موصول ہونے والی تجاویز اور معلومات کو مکمل جانچ کے بعد حتمی شکل دینے کیلئے کونسل میں پیش کیا جائے گا۔ پی اے اے کے ایگزیکٹو کے فیصلے کے بعد لوگو منظوری کیلئے بھیجا جائے گا۔ پہلی تین منتخب تجاویز کو اعزازیہ بھی دیا جائے گا۔