کراچی کے بیشتر علاقے پولیو وائرس میں ہائی رسک پر ہیں، وزیراعلیٰ سندھ

کراچی (آئی این پی ) وزیراعلیٰ سندھ سید مراد علی شاہ نے کہا ہے کہ کراچی شہر کے بیشتر علاقے پولیو وائرس میں ہائی رسک پر ہیں۔ ترجمان کے مطابق وزیراعلی ٰسندھ نے محکمہ صحت کو جاری انسداد پولیو مہم کو مزید مثر بنانے کی ہدایت کرتے ہوئے کہا ہے کہ پولیو ایک موذی مرض ہے جو بچے کی پوری زندگی تباہ کردیتا ہے۔ پولیو مہم میں والدین اور سرپرست مکمل تعاون کریں ۔ پولیو سے بچا کے قطرے پلانے سے انکار کی کوئی گنجائش نہیں۔بصورت دیگر سرپرست یا والدین کے خلاف کارروائی عمل میں لائی جائے گی۔ انہوں نے کہا کہ کراچی کی تمام 85 یونین کونسلز میں بچوں کو پولیو سے بچا کے قطرے پلائے جائیں گے۔ شہر کراچی کے بیشتر علاقے پولیو وائرس میں ہائی رسک پر ہیں۔ پولیو کے خلاف جاری مہم میں 11 لاکھ بچوں میں سے کوئی بچہ رہنا نہیں چاہئے۔ پولیو مہم کو کامیاب بنانے کے لیے ضلعی انتظامیہ اور پولیس ہیلتھ ورکرز کی بھرپور مدد کریں ۔