گجرات: پسند کی شادی کی خواہش پر لاہور کا نوجوان گجرات میں قتل، ملزم گرفتار

گجرات(نمائندہ جنگ) پسند کی شادی کی خواہش پر 27 سالہ نوجوان کو فائرنگ کر کے قتل کر دیا گیا ،لاہور کے رہائشی 27 سالہ نوجون ذیشان کی فیس بک کے ذریعے گجرات کی رہائشی لڑکی( ر) کے ساتھ دوستی ہو گئی دونوں نے شادی کرنے کےعہدو پیما کر لئے ،اس بات کا علم لڑکی کے ماموں عرفان کو ہو گیا تو اس نے دھوکے سے ذیشان کو اغوا کر لیا اور گجرات لے آیا اور اسے فائرنگ کر کے موت کے گھاٹ اتار دیا اور فرار ہو گیا ،پولیس تھانہ اچھرہ نے ذیشان کے اغوا کا مقدمہ درج کر رکھا تھا ،جبکہ تھانہ صدر گجرات نے نوجوان ذیشان کی لاش کو لاوارث قرار دے کر دفنا دیا تھا ،لاہور پولیس نے ملزم عرفان کو بیرون ملک فرار ہونے کی کوشش میں ایئرپورٹ سے گرفتار کر لیا ،ملزم لاہو پولیس کی تحویل میں ہے۔