اسکردو ، آئی سی سی آئی نے ٹورازم سمٹ کی کامیابی سے میزبانی کی

اسلام آباد(جنگ نیوز) اسلام آباد چیمبر (آئی سی سی آئی)نے 13 سے 15 اگست تک اسکردو میں دوسری آئی سی سی آئی ٹورازم سمٹ کی کامیابی سے میزبانی کی، جس میں 10 دوست ممالک کے سفیروں اور سفارت کاروں کے علاوہ کاروباری رہنما ئو ں نے بڑی تعداد میں شرکت کی۔ یہ بات قابل ذکر ہے کہ آئی سی سی آئی صدر احسن بختاوری کی قیادت میں پاکستان کے سافٹ امیج کو اجاگر کرنے اور دنیا بھر سے سیاحوں کو راغب کرنے میں کلیدی کردار ادا کر رہا ہے۔سکردو میں منعقد ہونے والی اس سمٹ کے موقع پر آئی سی سی آئی نے پاکستان اور ان کے متعلقہ ممالک کے درمیان تجارتی تعلقات اور سیاحت کے فروغ میں ان کی نمایاں خدمات کا اعتراف کرتے ہوئے ایک پروقار تقریب میں سفیروں اور سفارت کاروں کو اعزازات سے نوازا۔یورپی یونین کی سفیر ڈاکٹر رینا کیونکا، ملائیشیا کے ہائی کمیشن محمد اظہر بن مزلان، مصر کے سفیر ڈاکٹر ایہاب عبد الحمید حسن، آذربائیجان کے سفیر خضر فرہادوف، قازقستان کے سفیر یرژان کستافین، ایم مطہر یمن کے سفیر وونا ہان، میانمار کے سفیر بنجمہ، ڈپٹی ہیڈ آف مشن لیبیا، ٹیاگو میگوئل روڈریگس مونٹیریو، سفارت خانہ پرتگال، غضنفر محمود، سفارت خانہ ترکی ایوارڈ حاصل کرنے والے سفراء میں شامل ہیں۔ آئی سی سی آئی نے ساجد علی سدپارہ، ایک پاکستانی کوہ پیما، جنہوں نے انیس سال کی عمر میں دنیا کی دوسری بلند ترین چوٹی K2 کو سر کیا اور گلگت بلتستان کے وزیر برائے منصوبہ بندی و ترقی ناصر علی خان کو ان کی غیر معمولی خدمات کو سراہتے ہوئے شیلڈز بھی پیش کیں۔