جیو پر آج دیکھیں، وزیراعلیٰ سندھ ”ایک دِن جیو کے ساتھ“، اداکار عمر عالم کی ”ہنسنا منع ہے“ آمد

کراچی (جنگ نیوز) وزیراعلیٰ سندھ سید مراد علی شاہ نے کہا ہے کہ میں میڈیا سے کتراتا ہوں۔ پارٹی قیادت ڈکٹیٹ نہیں کرتی لیکن رہنمائی ضرور لیتا ہوں۔ اس سال کراچی کی ترقی پر 200ارب روپے خرچ ہوں گے۔ چاہتا ہوں والد کی طرح لوگ مجھے بھی یاد رکھیں۔ بعض عناصر کی وجہ سے وہ کام نہیں کرسکا جو کرنا چاہتا تھا۔ اِن خیالات کا اظہار اُنہوں نے ”جیونیوز“ کے پروگرام ”ایک دِن جیو کے ساتھ“ میں گفتگو کرتے ہوئے کیا۔ وزیراعلیٰ سندھ کی تفصیلی گفتگو کا دوسرا حصہ ناظرین اتوار کی شام 7بجکر5منٹ پر ملاحظہ کرسکیں گے۔ ٭ نامور اداکار عمر عالم اتوار کو ”جیونیوز“ کے شو ”ہنسنا منع ہے“ کے مہمان ہوں گے۔ شو کے دوران اُنہوں نے اپنی نجی زندگی اور شوبز انڈسٹری کے حوالے سے اہم گفتگو کی۔ حاضرین نے بھی سوال پوچھے، شو کے دوران اُن کے ساتھ گیمز کا مقابلہ بھی ہوا۔ نوجوانوں نے اُنہیں اپنی اداکاری کے جوہر بھی دکھائے۔ میزبان تابش ہاشمی اور عمر عالم کی دلچسپ گفتگو اور چٹکلوں سے گل و گلزار بننے والا یہ شو شب11 بجکر5منٹ پر نشر کیا جائے گا۔