خود انحصاری پر مبنی معاشی ترقی منصوبے کیلئے سات رکنی کمیٹی قائم

اسلام آباد (عاطف شیرازی ) ملک میں خود انحصاری پر مبنی معاشی ترقی کے منصوبے کے لیے کمیٹی تشکیل دے دی ہے اس حوالے سے فنانس ڈویژن نے نوٹیفکیشن جاری کر دیا ہے.کمیٹی وزیر اعظم شہباز شریف کی جانب سے تشکیل دی گئ ہے۔ڈپٹی وزیراعظم اسحاق ڈار سات رکنی کمیٹی کے چیئرمین ہونگے۔کمیٹی برطانوی اکانومسٹ اسٹیفن ڈرکن کے تجویز کردہ معاشی پلان کا جائزہ لے گی۔کمیٹی میں وزیر ترقی و منصوبہ بندی احسن اقبال، وزیر خزانہ محمد اورنگزیب ,وزیر اقتصادی امور، وزیر اطلاعات، وزیر مملکت ریونیو و توانائی اورایس آئی ایف سی کے نیشنل کوآڈینیٹر بھی شامل ہیں ۔کمیٹی معاشی پلان کے مسودے اور مختلف شعبوں کا جائزہ لے کر رپورٹ دے گی اس مقصد کے برطانوی معیشت دان بھی رائے کیلئے دستیاب ہونگے، کمیٹی مزید ارکان کا تقرر کر سکے گی جبکہ خزانہ ڈویژن خصوصی کمیٹی کے سیکرٹیریٹ کا کردار ادا کرے گا۔