کوئٹہ: وزیر داخلہ کا دورہ شہر، سیکورٹی انتظامات پر اظہار اطمینان

کوئٹہ(اسٹاف رپورٹر)صوبائی وزیر داخلہ میر ضیاء اللہ لانگو نے کہا ہے کہ عوام کی جان ومال کا تحفظ حکومت کی ذمہ داری ہے ، یہ بات انہوں نے ہفتہ کو کوئٹہ کے مختلف علاقوں کا دورہ کرنے کے موقع پر بات چیت کرتے ہوئے کہی ۔ انہوں نے گزشتہ روز ائیرپورٹ روڈ ، مغربی بائی پاس ، سمنگلی روڈ ، سریاب روڈ ، ہزار گنجی اور گاہی خان چوک سمیت دیگر علاقوں کا دورہ کیا ، دورے کے موقع پر شہر میں سیکورٹی انتظامات کا جائزہ لیتے ہوئے انہوں نے سیکورٹی انتظامات پر اطمینان کا اظہار کیا ، انہوں نے ہدایت کی کہ پولیس جرائم کی وارداتوں کی روک تھام کے لئے اقدامات مزید تیز کرے ، عوام کی جان و مال کا تحفظ حکومت کی ذمہ داری ہے ، عوام بھی سیکورٹی صورتحال کو مدنظر رکھتے ہوئے پولیس سمیت قانون نافذ کرنے والے اداروں کے ساتھ تعاون کریں ۔