صرف پنجاب میں ریلیف اورنوازشات سوالیہ نشان ہیں‘جمعیت

کوئٹہ (پ ر) جمعیت ضلع کوئٹہ کے امیر مولانا عبد الرحمن رفیق سینئر نائب امیر مولانا خورشید احمد جنرل سیکرٹری حاجی بشیر احمد کاکڑ سیکرٹری اطلاعات عبدالغنی شہزاد سیکرٹری مالیات میر سرفراز شاہوانی ایڈووکیٹ سالار حافظ سید سعداللہ آغا اور دیگر نے کہا ہےکہ صرف پنجاب نہیں بلوچستان بھی پاکستان کا حصہ ہے لاہور پر ریلیف کی نوازشات اور کوئٹہ کو پتھر کے زمانے میں دھکیلنے والوں کے امتیازی رویے پر افسوس ہے ایک صوبے کے عوام کو ریلیف دینے والوں کا رویہ دیگر صوبوں بالخصوص بلوچستان کے ساتھ امتیازی ہے بلوچستان کے لوگ مہنگائی کی چکی میں پس رہے ہیں مگرنواز شریف ریلیف اور پیکیجز کی نوازشات پنجاب پر کررہے ہیں اس سے ثابت ہوتا ہے کہ پنجاب کے رہنماؤں کے بارےمیں میں یہاں کے عوام کے خدشات درست ہیں رہنمائوں نے کہاکہ بجلی کے200 اور500 یونٹ استعمال کرنیوالے صارفین کو فی یونٹ 14 روپے کی ادائیگی پنجاب حکومت کی جانب سے بلوچستان حکومت کیلئے سوالیہ نشان ہے جنہوںنے پانی ‘بجلی اورسوئی گیس کی فراہمی کیلئے آج تک کوئی اقدامات نہیں کیے۔