غیر معیاری خشک دودھ کی سرعام فروخت جاری

کوئٹہ(اسٹاف رپورٹر)صوبائی دارالحکومت میں غیر معیاری خشک دودھ کی سرعام فروخت جاری،خطرناک امراض پھیلنے لگے،حکام بے خبر تفصیلات کے مطابق شہر کے مختلف علاقوں میں سرعام غیر معیاری خشک دودھ فروخت کیا جارہا ہے جسکا استعمال انسانی صحت کے لئے انتہائی مضر ہےاور اسکے استعمال سے بیماریاں بھی پھیل رہی ہیں ذمہ دار ذرائع کے مطابق شہر کی تھوک مارکیٹوں میں سرعام غیر معیاری خشک دودھ فروخت کیا جارہا ہے اور یہ دودھ ڈبو پیکٹوں کے بجائے بوریوں میں فروخت ہورہا ہے ذرائع نے بتایا کہ شہر کی اکثر ملک شاپس میں غیر معیاری خشک دودھ کی ہی دہی بنا کر فروخت کی جارہی ہے جبکہ اکثر شاپس میں خشک دودھ کو پانی میں ملا کر فروخت کیا جارہا ہے عوامی و سماجی حلقوں نے فوڈ کنٹرول اتھارٹی سے اپیل کی ہے کہ شہر میں غیرمعیاری خشک دودھ فروخت کرنے والوں کیخلاف کریک ڈائون کریں ۔