انتظامی آفیسران اور واپڈا حکام کی غفلت کا نوٹس لیا جائے‘ پشتونخوانیپ لورالائی

لورالائی(نامہ نگار ) پشتونخوا نیشنل عوامی پارٹی کے ضلعی سیکرٹری اطلاعات نعمت اللہ شبوزئی نے کہا ہے کہ لورالائی انتظامیہ اور دیگر آفیسران اپنی رٹ قائم رکھنے میں مکمل ناکام ہو چکے ہیں متعلقہ افسران عوامی مسائل سے غافل ہیں فارم 47کے جعلی نمائندے اور انکے کارپردازوں کو خوش رکھنے کے لئے خفیہ طور پر مصروف رہتے ہیں عوام کو حالات کے رحم وکرم پر چھوڑ دیا ہے جسکی مثال گزشتہ دنوں ناصرآباد میں معصوم بچی کا کھلے مین ہول میں گرنا ہے جسکی جتنی بھی مذمت کی جائے کم ہے واقعہ کا ذمہ دار ضلعی انتظامیہ ہے انہوں نے کہا کہ دیہی علاقوں میں بجلی کے 11ہزار کے وی کی تاریں لٹکی ہوئی ہیں جس سے آئے روز حادثات رونما ہورہے ہیں انہوں نے حکومت سے مطالبہ کیا کہ ضلعی انتظامیہ اور محکمہ واپڈا کی غفلت کا نوٹس عوامی مسائل حل کئے جائیں بصورت دیگر پارٹی احتجاجی مظاہرہ جو 22 اگست کو ہوگا کے علاوہ احتجاج کو وسعت دیکر تحریک چلائے گی۔