اسلام آباد (نیوز رپورٹر) وزیراعظم شہباز شریف نے کہا ہے کہ مشکل حالات میں جان جوکھوں میں ڈال کر انسانی جانیں بچانا بہادری ہے، اپنی جان کی پرواہ کئے بغیر سیلابی ریلے میں پھنسے لوگوں کو بچانے والے ایکسکویٹر ڈرائیور محب اللہ پر پوری قوم کو فخر ہے۔ وزیرِاعظم شہباز شریف نے ان خیالات کا اظہار بلوچستان کے علاقے قلعہ عبداللہ میں سیلابی ریلے میں پھنسے لوگوں کو بچانے والے ایکسکویٹر ڈرائیور محب اللہ سے گفتگو کرتے ہوئے کیا۔