ملک میں 8 کروڑ سے زائد لوگ نفسیاتی مسائل کا شکار ہوگئے

اسلام آ باد ( رانا غلام قادر ) پاکستان میں ذہنی امراض میں تشویش ناک حد تک اضافہ ہوگیا ہے۔ ملک میں 8کروڑ سے زائد لوگ نفسیاتی مسائل کا شکار ہوگئے ہیں۔یہ انکشاف وزارت صحت کی جانب سے قومی اسمبلی میں پیش کئے گئے اعدادوشمار میں کیا۔وزارت صحت نے بتایا کہ پاکستان میں آٹھ کروڑ افراد نفسیاتی مسائل کا شکار ہیں ملک کے تمام بڑے اسپتالوں میں نفسیاتی علاج کی سہولیات موجود ہیں۔ 126 میڈیکل کالجوں میں ذہنی امراض و شعبہ نفسیات کام کر رہے ہیں ۔