پی ٹی آئی سیکرٹری اطلاعات رئوف حسن کو عہدے سے ہٹانے جانے کا امکان

اسلام آباد(این این آئی)پی ٹی آئی کے سیکریٹری اطلاعات رئوف حسن کو عہدے سے ہٹانے جانے کا امکان ہے۔ذرائع کے مطابق پی ٹی آئی میں سیکرٹری جنرل کے استعفیٰ کے بعد ایک اور اہم عہدہ خالی ہونے جا رہا ہے،پی ٹی آئی کے سیکرٹری اطلاعات رئوف حسن کو ہٹانے کیلئے بانی عمران خان نے اجازت دے دی۔ذرائع کے مطابق رئوف حسن پر کچھ پارٹی رہنمائوں کو عدم اعتماد تھا، اب نئے سیکرٹری اطلاعات کیلئے شیخ وقاص اکرم کا نام سرفہرست ہے۔پارٹی ذرائع کے مطابق سیکرٹری جنرل کی تعیناتی کے بعد سیکرٹری اطلاعات کو تبدیل کیا جائے گا۔