آپریشنل وجوہات، 3غیر ملکی پروازیں منسوخ، 20تاخیر کا شکار

کراچی(این این آئی)مختلف ایئر لائنز کی آپریشنل وجوہات کی بنا پرگزشتہ روز فیصل آباد اور پشاور سے3غیرملکی پروازیں منسوخ کر دی گئیں جبکہ مختلف ایئر پورٹس سے 20 ملکی اور غیر ملکی پروازیں تاخیر کا شکارہوگئیں۔فلائٹ شیڈول کے مطابق دبئی سے فیصل آباد کی پی آئی اے کی پرواز پی کے 224 منسوخ کر دی گئی ہے۔ پشاور سے دبئی کی پی آئی اے کی پرواز پی کے 283 اور شارجہ سے پشاور کی پرواز پی کے 258 منسوخ کر دی گئیں۔ لاہور سے باکو کی پرواز جی 25047 اور 25048 کی آمد اور روانگی میں 3 گھنٹے تاخیرجبکہ لاہور سے ریاض کی پی آئی اے کی پرواز پی کے 725 پانچ گھنٹے تاخیر سے روانہ ہوئی۔ کراچی لاہور کے درمیان پی کے 305ڈھائی گھنٹے کی تاخیر سے شام ساڑھے 7 بجے روانہ ہوئی۔کراچی سے جدہ کی پرواز پی ایف 714میں 2 گھنٹے، کراچی سے جدہ ای آر 811 اور کراچی سے مدینہ کی پرواز پی کے 743 کی روانگی میں 1 گھنٹے کی تاخیر ہوئی۔کراچی سے استنبول کی پروازیں ٹی کے 708 اور 709 دو گھنٹے تاخیر کا شکار ہوئیں۔کراچی سے ملتان کی پرواز پی کے 330 اور 331 میں ڈیڑھ گھنٹے کی تاخیر کی گئی ، یہ پروازیں رات ساڑھے 9 بجے کراچی سے روانہ ہوئیں۔ کراچی سے دبئی کی پرواز پی کے 214 میں 1 گھنٹے کی تاخیر کی گئی ہے جبکہ اسلام آباد کے لیے غیر ملکی ایئر لائن کی پروازوں ای کے 614 اور 615 میں 1 سے ڈیڑھ گھنٹے کی تاخیر ہوئی ہے۔ غیر ملکی ایئر لائن کی جدہ سے اسلام آباد کی پروازوں ایس وی 726 اور 727 میں 1 گھنٹہ، پی آئی اے کی دبئی سے اسلام آباد کی پروازوں پی کے 233 اور 234 کی آمد اور روانگی میں بھی 1 گھنٹے کی تاخیر ہوئی ہے۔ اسلام آباد سے ریاض کی پرواز ای آر 807تین گھنٹے سے زائد کی تاخیر کا شکارہوئی جبکہ پشاور سے دبئی اور شارجہ سے پشاور کی پی آئی اے کی پرواز منسوخ کر دی گئی ہے۔