ویانا: محمد ناصر کی جانب سے یومِ دفاع پاکستان کے موقع پر تقریب

ویانا(اکرم باجوہ) محمد ناصر کی جانب سے یومِ دفاع پاکستان کے موقع پر پاک فوج کے شہداء کو خراج تحسین پیش کرنےکیلئے تقریب کا انعقاد فریسکو سویٹ ہال میں کیا گیا ۔تقریب کے مہمانِ خصوصی آسٹریا میں سفارت خانہ پاکستان کے کمیونٹی افیئرز قونصلر سلیم شہزاد تھے۔تقریب میں پاکستانی کمیونٹی کی مختلف شخصیات نے شرکت کی ۔تقریب کا آغاز محسن بلوچ نے تلاوت قرآن پاک سے کیا ۔اکرم باجوہ نے پاکستانی کمیونٹی اور پاکستان سفارت خانہ ویانا کے کمیونٹی افیئرز قونصلر سلیم شہزاد کا تقریب میں شرکت کرنے پر شکریہ ادا اور پاک فوج کو خراج تحسین پیش کیا۔تقریب میں اسٹیج سیکرٹری کے فرائض پاکستانی مسیحی برادری کے رہنما کلیم رفیق مسیح نے ادا کئے ۔یوم دفاع پاکستان کی تقریب میں مختلف مقررین الحاج چوہدری بریار ایڈوکیٹ،ڈاکٹر قیصر ،مسلم لیگ ن آسٹریا کے صدر چوہدری علی شرافت و دیگر نے پاک فوج کی 1965 کی قربانیوں پر روشنی ڈالی اور پاک فوج کی بہادری کو خراج تحسین پیش کیا۔مقررین نے 7 ستمبر کو پاک فضائیہ کے بہادر سپوت ایم ایم عالم کو بھی خراج تحسین پیش کیا ۔تقریب میں مسلم لیگ ن آسٹریا کے صدر چوہدری علی شرافت نے پاک وطن پاک پر قومی نغمہ پیش کیا۔تقریب کے آخر میں علامہ محمد زاہد نے میلاد النبیﷺ کی آمد پر گلہائے عقیدت پیش کئے اور اجتماعی دعائیہ کلمات میں امت مسلمہ، فلسطین ،کشمیر اور پاکستان کی ترقی و خوشحالی اور شہدائے پاک فوج کیلئے دعا کی ۔اخر میں فریسکو سویٹ کے ڈائریکٹر محمد ناصر نے مہمانوں کا یومِ دفاع پاکستان کی تقریب میں شرکت پر شکریہ ادا کیا ۔