کلکتہ ریپ کیخلاف 25 ممالک کے 130سےشہروں میں احتجاجی مظاہرے

نئی دہلی (این این آئی)کلکتہ ریپ کے خلاف 25 ممالک کے 130سے زائد شہروں میں احتجاجی مظاہرے کیے گئے،جن میں ہزارو ں بھارتی تارکین وطن نے شرکت کی ،مظاہرین نے مودی حکومت سے خواتین کو تحفظ دینے ،ذمہ داروں کو سزادلوانے کامطالبہ کیاہے۔ گزشتہ ماہ کولکتہ شہر کے ایک ہسپتال میں ایک ٹرینی ڈاکٹر کو عصمت دری کے بعد قتل کر دیا گیا تھا۔ واقعہ کے خلاف 25 ممالک کے 130 سے زیادہ شہروں میں ہزاروں بھارتی تارکینِ وطن نے احتجاجی مظاہرے کیے ۔یہ مظاہرے جاپان، آسٹریلیا، تائیوان اور سنگاپور میں شروع ہوئے اورامریکہ و کئی یورپی ممالک تک پھیل گئے۔ سویڈن کے دارالحکومت سٹاک ہوم میں سیرگلز ٹورگ سکوائر میں ایک مظاہرے میں سیاہ پوش خواتین کی بڑی تعداد جمع ہوئی جس نے بنگالی زبان میں گانے گائے ، انہوں پلے کارڈ اٹھا رکھے تھے۔ وہ ہندستانی خواتین کے لیے تحفظ اور اس جرم کے ذمہ داران سے جواب طلبی کا مطالبہ کر رہی تھیں۔عالمی مظاہروں کی ایک منتظم دیپتی جین نے کہاکہ ڈیوٹی کے دوران ایک نوجوان ٹرینی ڈاکٹر پر اس وحشیانہ ظلم کی خبر سے ہم سب چونک گئے اور سن ہو گئے۔