ایف بی آر کا اہم نوٹیفکیشن ،بنیادی سکیل 20 کے دو عہدیداروں کو اضافی چارج دینے کا فیصلہ

اسلام آباد (رپورٹ، حنیف خالد)ایف بی آر کا اہم نوٹیفکیشن ،بنیادی سکیل 20 کے دو عہدیداروں کو اضافی چارج دینے کا فیصلہ،کمشنر ایل ٹی او کراچی اور چیف آئی ٹی ونگ کا اضافی چارج عباس احمد اور احفاظ الرحمان کو دیدیا گیا ،چیئرمین ایف بی آر و سیکرٹری ریونیو ڈیوژن راشد محمود نگڑیال کی منظوری سے ایف بی آر کے سیکرٹری مینجمنٹ ایچ آر نے ایڈیشنل چارج نمبر 2353-IR- ون /2-24 نو ستمبر 2024 پیر کے روز جاری کیا ہے جس میں ایف بی آر کے بنیادی سکیل نمبر 20 کے ان لینڈ ریونیو سروس کے دو عہدیداروں عباس احمد میر، چیف (بی ڈی ٹی- آئی آر) آئی ٹی ونگ ایف بی ار ہیڈکوارٹر کو چیف (سسٹمز) آئی ٹی ونگ ایف بی آر کا زین العابدین ساہی (آئی آر ایس/ بی ایس 20) کی رخصت کے عرصے میں ان کے عہدے کا اضافی چارج بھی دے دیا ہے۔ جبکہ قاضی احفاظ الرحمنٰ بنیادی سکیل 20 کمشنر آئی آر زون تھری لارج ٹیکس آفس کراچی کو گرداری مال مگفور کمشنر آئی آر (زون ٹو) ایل ٹی او کراچی کی رخصت کا اضافی چارج دینے کا نوٹیفیکیشن جاری کر دیا گیا ہے۔ نوٹیفیکشن کی نقول سکیرٹری رینیو ڈویژن چیئرمین ایف بی آر کے سپیشل اسسٹنٹ ایف بی آر کے تمام ممبرز تمام چیف کمنشرز آف ان لینڈ ریونیو تمام ڈائریکٹر جنرلز، سیکرٹریز، اے جی پی آر کو بھجوا دی گئی ہیں۔