بیرسٹر گوہر ، شیر افضل اور شعیب شاہین کو فوری رہا کیا جائے ، وکلاء تنظیمیں

اسلام آباد (نمائندہ جنگ) اسلام آباد بار کونسل ، اسلام آباد ہائیکورٹ بار ایسوسی ایشن اور اسلام آباد بار ایسوسی ایشن نے بیرسٹر گوہر علی خان ، شیر افضل مروت اور شعیب شاہین کی گرفتاریوں کی سخت مذمت کرتے ہوئے انکی فوری رہائی کا مطالبہ کر دیا۔ اس ضمن میں اسلام آبادبارکونسل کے وائس چیئرمین عادل عزیز قاضی کی زیر صدارت ہنگامی اجلاس ہوا جس میں بارکونسل کے ممبران راجہ علیم عباسی ، ذوالفقار عباسی ، نصیر کیانی اور قمر سبزواری کے علاوہ اسلام آباد ہائیکورٹ بار کے صدر ریاست علی آزاد ، ڈسٹرکٹ بار کے صدر راجہ شکیل عباسی ، دیگر عہدیداران اور سینئر وکلا نے شرکت کی۔ وکلا نے گرفتاریوں پر سخت تشویش کا اظہار کیا اور مطالبہ کیا کہ وفاقی پولیس فوری طور پر گرفتار وکلا کو رہاکرے بصورت دیگر وکلاء برادری بھرپور احتجاج کرنے پر مجبور ہوجائے گی۔