وزیر اعظم کا شالیمار ایکسپریس کو حادثے سے بچانے والے گیٹ کیپر کو خراج تحسین

اسلام آ باد ( نیو زرپورٹر)وزیرِ اعظم شہباز شریف نے نواب شاہ کے ریلوے اسٹیشن کے قریب ریلوے پھاٹک پر اپنی جان کی بازی لگاتے ہوئے شالیمار ایکسپریس کو بڑے حادثے سے بچانے والے گیٹ کیپر مدد علی کو خراج تحسین پیش کیا ہے۔ وزیر اعظم نے کہا ہے کہ مدد علی نے اپنی جان کی پرواہ نہ کرتے ہوئے سینکڑوں لوگوں کی زندگیاں بچا لیں۔ وزیراعظم نے کہا کہ مدد علی نے اپنی ذمہ داریوں کو خلوص نیت سے نبھایا۔ ہم سب کو مدد علی جمالی کے بے لوث جذبے سے سیکھنے کی ضرورت ہے۔ وزیراعظم نے کہا کہ پوری قوم کو آپ پر فخر ہے ۔