گرفتاریوں کیخلاف تحریک انصاف کاجمعہ سے احتجاج کرنے کا فیصلہ

پشاور (این این آئی)پاکستان تحریک انصاف نے گرفتاریوں کے خلاف جمعہ سے ملک گیر احتجاج کا سلسلہ شروع کرنے کا فیصلہ کرلیا۔پشاور میں پی ٹی آئی کی کورکمیٹی کا اجلاس ہواجس میں وزیراعلیٰ خیبر پختونخوا علی امین گنڈاپور سمیت مرکزی قائدین نے شرکت کی۔ذرائع کے مطابق اجلاس میں پی ٹی آئی قیادت نے پارٹی رہنمائوں کی حالیہ گرفتاریوں پر ملک گیر احتجاج شروع کرنے کا فیصلہ کیا ہے۔ ذرائع کے مطابق اجلاس میں طے پایا کہ احتجاجی مظاہروں کا سلسلہ جمعہ سے شروع کیا جائے گا، ساتھ ہی اسمبلی کے فلور پر بھی پی ٹی آئی رہنمائوں کی گرفتاری کی مذمت کی جائے گی۔