بھارت میں اقلیتوں کومذہبی رسومات کی ادائیگی میں مشکلات کا سامنا ہے، راہول

نئی دہلی (آئی این پی ) کانگریس کے رہنما راہول گاندھی کا کہنا ہے کہ بھارت میں مذہبی اقلیتوں کو مذہبی رسومات کی ادائیگی میں مشکلات کا سامنا ہے۔ راہول گاندھی نے امریکا میں مذہبی آزادی کے حوالے سے منعقد تقریب میں کہا کہ بھارت میں اس وقت یہ بحث چل رہی ہے کہ کیا سکھوں کو پگڑی پہننے، گرودوارے جانے اور کڑا پہننے کی اجازت ہونی چاہیے یا نہیں۔ اور یہ بات صرف سکھوں تک محدود نہیں تمام مذاہب پر لاگو ہو رہی ہے۔ بھارت کو مذہبی رواداری سے متعلق اس وقت اس صورتحال کا سامنا ہے۔ حکمراں بھارتیہ جنتا پارٹی نے راہول گاندھی کے بیان پر انہیں شدید تنقید کا نشانہ بناتے ہوئے غیرملکی ایجنٹ قرار دیا ہے۔