10ستمبر پاکستان کی جمہوریت میں سیاہ دن مانا جائیگا،بیرسٹر گوہر

اسلام آباد(جنگ نیوز)اسلام آباد پولیس نے تحریک انصاف کے چیئرمین بیرسٹر گوہر کو رہا کردیا۔ذرائع کے مطابق بیرسٹر گوہر علی خان کو پولیس نے خود ہی مقدمے سے ڈسچارج کر کے رہا کر دیا۔گزشتہ روز اسلام آباد پولیس نے بیرسٹر گوہر، رکن قومی اسمبلی شیر افضل مروت سمیت متعدد پی ٹی آئی رہنماؤں کو گرفتار کیا تھا۔ پولیس نے پارلیمنٹ ہاؤس میں بھی داخل ہو کر پی ٹی آئی کے متعدد رہنماؤں کو حراست میں لیا تھا ۔رہائی کے بعد میڈیا سے گفتگو کرتے ہوئے بیرسٹر گوہر نے بتایا کہ پولیس نے مجھے تحویل میں لیا اور مقدمات سے متعلق پوچھ گچھ کی۔انکا مزید کہنا تھا کہ پولیس نے بتایا مجھ پر کوئی مقدمہ نہیں۔ 10 ستمبر 2024 پاکستان کی جمہوریت میں سیاہ دن مانا جائے گا، پی ٹی آئی اس دن کو نہیں بھولے گی۔