چین کے تجارتی وفد کا ایس آئی ایف سی کا دورہ، سرمایہ کاری میں دلچسپی

اسلام آباد (نامہ نگار خصوصی) چین کے اعلیٰ سطح کے ایک کاروباری وفد نے پاکستان کی معیشت کے اہم شعبوں میں سرمایہ کاری اور چینی صنعتوں کو پاکستان منتقل کرنے میں گہری دلچسپی ظاہر کی ہے ۔ اس دلچسپی کا اظہار چار بڑے چینی کاروباری گروپس پرمشتمل وفد نے اسلام آباد میں خصوصی سرمایہ کاری سہولت کونسل ( ایس آئی ایف سی ) کے دورے کے موقع پر کیا۔ وفد کو زراعت، مویشی، انفارمیشن ٹیکنالوجی ، توانائی ، معدنیات ، سیاحت اور صنعت سمیت ترجیحی شعبوں میں سرمایہ کاری کے ممکنہ مواقع سے آگاہ کیاگیا۔