انکم ٹیکس گوشوارے جمع کرانے کی آخری تاریخ 30ستمبر ہے،ایف بی آر

اسلام آباد (آئی این پی) فیڈرل بورڈ آف ریونیو(ایف بی آر) نے ٹیکس دہندگان کیلئے 30 ستمبر 2024 تک کے مالی سال کے انکم ٹیکس گوشوارے جمع کروانے کی تاریخ کا اعلان کردیا ایف بی آر کے مطابق انکم ٹیکس ریٹرن فائل کرنے کی آخری تاریخ 30 ستمبر ہے، انکم ٹیکس گوشوارے جمع کرانے کی تاریخ میں توسیع نہیں کی جائے گی۔ مطابق اب تک تقریبا 14 لاکھ 25 ہزار افراد نے مالی سال 2024 کے انکم ٹیکس گوشوارے جمع کرا دیئے۔اعلامیے کے سالانہ 6 لاکھ روپے سے زیادہ آمدن والے افراد ٹیکس ریٹرن فائل کرنے کے پابند ہیں، گھر، پراپرٹی یا گاڑی کے مالکان کیلئے بھی انکم ٹیکس گوشوارے فائل کرنا ضروری ہے، مقررہ حد سے زیادہ آمدن والے کاروباری افراد بھی ٹیکس گوشوارے جمع کرانے کے پابند ہیں۔حکام ایف بی آر کا کہنا ہے کہ نان فائلرز کے موبائل فون سمز، بجلی یا گیس کنکشن منقطع کیا جا سکتا ہے، نوٹس ملنے کے باوجود گوشوارے جمع نہ کرانے والوں کیخلاف قانونی کاروائی ہوگی، نان فائلرز کو وارننگ کے بعد بینک اکانٹس بھی منجمد کیئے جاسکتے ہیں۔