بلوچستان اسمبلی کا اجلاس آج ہوگا

کوئٹہ(اسٹاف رپورٹر)بلوچستان اسمبلی کا اجلاس دو دن کے وقفے کے بعد آج سہ پہر تین بجے ہوگا ، اجلاس میں جمعیت علما اسلام کے رکن میر زابد ریکی کی یونین کونسل شینگر کو تحصیل کا درجہ دینے ، جمعیت علما اسلام کے رکن سید ظفر علی آغا کی پاسپورٹ آفس پشین میں فیمیل فوٹو فراگر کی تعیناتی ، پیپلز پارٹی کی رکن شہناز عمرانی کی ڈیرہ مراد جمالی اور ڈیرہ اللہ یار میں لوگوں کو مالکانہ حقوق دینے ، مولانا ہدایت الرحمٰن بلوچ کی بلوچستان کو آفت زدہ قرار دے کر عوام کے ذمہ بجلی کے بقایا جات معاوف ، مکران کو 24 گھنٹے بجلی فراہم ، یوٹیلیٹی بلز میں ناجائز ٹیکسوں کا خاتمہ متعلق الگ الگ قراردادیں پیش کی جائیں گی ۔ اجلاس میں رکن بلوچستان اسمبلی میر اسد بلوچ بی بی عصمت ملک میموریل اسپتال خدابادان پنجگور کے فعال نہ ہونے سے متعلق توجہ دلاو نوٹس پیش کریں گے ،اجلاس میں پبلک ویلفیئر اسپتال سوئی کا (ترمیمی) مسودہ قانون پیش کیا جائے گا ۔ اجلاس میں محکمہ لائیو اسٹاک اور محکمہ فشریز سے متعلق سوالات کے جوابات دیئے جائیں گے۔