وزیراعلیٰ مریم کی زیرصدارت اجلاس،پنجاب پولیس کو باڈی کیم لگانے،سرحدی چوکیوں کی تعداد بڑھانے سمیت متعدد عوامی منصوبے منظور

لاہور (نمائندگان جنگ) وزیراعلی پنجاب مریم نواز نے عید میلاد النبی پر فول پروف سکیورٹی یقینی بنانے کا حکم د یتے ہوئے کہا ہے کہ پنجاب کے عوام کے جان ومال کا تحفظ اولین ذمہ داری ہے، عوام کے تحفظ کے لئے جو کچھ بھی کرنا پڑا ضرور کیا جائے گا، پولیس جرم سرزد ہونے کا انتظار کیے بغیر پیشگی ایکشن کی اہلیت پیدا کرے ۔وزیراعلی پنجاب مریم نواز کی زیر صدارت امن وامان سے متعلق امور کا جائزہ اجلاس ہوا جس میں انہوں نے پولیس افسران کو علما کرام کے پاس خود جا کر ملنے کی ہدایت کی۔ صوبائی سرحدی چوکیوں کی تعداد بڑھانے کی منظوری د دی، پولیس اہلکاروں کو اے پی سی، بلٹ پروف گاڑیاں اور بلٹ پروف جیکٹیں فوری طور پر دینے کا حکم ، پولیس کیلئے ایک ارب روپے کی گرانٹ کی منظوری دی گئی، بارڈر ملٹری پولیس کی تشکیل نو اور جدید ٹریننگ کی ہدایت کی گئی،پولیس فورس کو باڈی کیم لگانے کا اصولی فیصلہ کیا گیا، ناجائز اسلحہ کے خاتمے کے لیے مہم مزید تیز کرنے کا حکم بھی دیا، آن ڈیوٹی پولیس اہلکاروں کے سوشل میڈیا اور کیمرے کے استعمال کرنے پر سخت پابندی عائد کر دی گئی۔ وزیراعلی نے کہا جرائم پیشہ اور سماج دشمن عناصر کے خلاف بلا امتیاز کارروائی کی جائے۔ پولیس چیک پوسٹوں پر حملہ آوروں کو اس قدر سخت جواب دیا جائے کہ وہ دوبارہ حملے کی جرت نہ کریں، وزیراعلی پنجاب کی زیر صدارت کابینہ سٹینڈنگ کمیٹی برائے فنانس اینڈ ڈویلپمنٹ اجلاس میں پنجاب کی 112تحصیلوں میں 444کلینک آن ویل شروع کرنے کا فیصلہ کیا گیاپنجاب فلم فنڈ قائم کرنے کی منظوری دی گئی-سرگودھا او رڈیرہ غازی خان ریجن میں بارڈر آؤٹ پوسٹس کی اپ گریڈیشن اور تعمیر و بحالی کی منظوری دی گئی- کابینہ نے قائد اعظم بزنس پارک شیخوپورہ کے داخلی راستے پر ایم ٹو موٹروے انٹرچینج بنانے کی منظوری دی - چن دا قلعہ چوک گوجرانوالہ میں فلائی اوور کی تعمیر اورسالانہ ترقیاتی پروگرام 2024-25 میں نارووال کرتار پور کوریڈور سکیم پر اتفاق کیاگیا-میانوالی سے سی پیک انٹرچینج داؤد خیل میں ایڈیشنل کیرج وے کی تعمیر کا جائزہ لیاگیا- پولیس شہداء کے اہل خانہ کے گھرو ں کے لئے گرانٹ بڑھانے اور سالانہ ترقیاتی پروگرام 2024-25 میں روڈز کے میگا پراجیکٹس کی منظوری دی گئی- دہلی ملتان روڈاور ٹوبہ ٹیک سنگھ سمیت 3روڈز کو دو رویہ بنانے کا اصولی فیصلہ کیاگیا- چرارڈرین کے لئے سپلیمنٹری گرانٹ کے تحت فنڈز کی درخواست کی منظوری دی گئی ،کچی آبادیوں اور زرعی زمین کو سیلاب کی وجہ سے زمینی کٹاؤ سے بچانے کے لئے فلڈ پروٹیکشن بند کی منظوری دی گئی-وزیراعلی نے کہاکہ ہر سال سیلاب کی وجہ سے نقصان نااہلی کے مترادف ہے-کابینہ نے بچوں کی ایمرجنسی کیئر کی بہتری کے لئے چائلڈ لائف فاؤنڈیشن کے لئے گرانٹ ان ایڈ کی منظوری دی -پنجاب میں ریٹرو ریفلکٹو نمبر پلیٹز مہیا کرنے کی منظوری دی گئی-محکمہ ماحولیات و موسمیاتی تبدیلی میں ڈیجیٹل کمیونیکیشن سیل کو سٹریجٹک کمیونیکیشن سیل میں تبدیل کرنے،مری میں بائیوڈیورسٹی پارک مری سکیم کی اپ گریڈیشن کے لئے فنڈزاور بانسر ہ گلی زوالوجیکل گارڈن کی ریویمپنگ کی سکیم کی شمولیت کی منظوری بھی دی گئی-مری ڈویلپمنٹ پلان کی منظوری دی گئی، 137.5ملین روپے کی سپلیمنٹری گرانٹ کے اجرا، کی منظوری دی گئی ،رابرٹس کلب لاہور کی اپ گریڈیشن اورپرائمری اینڈ سکینڈری ہیلتھ کیئر ڈیپارٹمنٹ میں 274 ٹیکنیشن کی بھرتی کی منظوری دی گئی الائیڈ ہیلتھ پروفیشنلز کی بھرتی پر اتفاق کیاگیا-محکمہ ٹرانسپورٹ کے ٹرانسپورٹ پلاننگ یونٹ میں خالی آسامیوں پر بھرتی میں نرمی،پنجاب سول پروٹیکشن اتھارٹی کی 3خالی آسامیو ں پر بھرتی میں نرمی اورشفافیت کے لئے محکمہ جنگلات میں ڈیلی ویجز ملازمین کو نقد کی بجائے پنجاب بینک کے ذریعے برانچ لیس ادائیگی کی منظوری دی گئی-میاں چنوں میں میزائل واقعہ کے متاثرین اور پانچ شہریوں کے علاج کیلئے مالی امداد کی درخواستوں ، پی ایس ڈی پی اے کے لیپس فنڈ 443.301 ملین روپے کی ازسر نو توثیق، پی ایس ڈی پی پراجیکٹس کے لئے وفاقی حکومت سے وصول شدہ فنڈز کی سپلیمنٹری گرانٹ،پاکستان ائیر فورس کے ساتھ تحصیل ہیڈ کوارٹر ہسپتال فورٹ منرو ڈی جی خان کے معاہدے کی تجدید کی منظوری دی گئی ،وزیر اعلیٰ پنجاب نے قائدِ اعظم محمد علی جناح ؒ کے یوم وفات پر اپنے پیغام میں عظیم رہنما کو سلام عقیدت پیش کرتے ہوئے کہا انشاء اللہ پاکستان کو قائدِ اعظم کے خوابوں کی تعبیر بنائیں گے- وزیر اعلیٰ نے رحیم یار خان میں کاروکاری کے الزام پر پانچ افراد کے قتل کا نوٹس لیتے ہوئے آئی جی پولیس سے رپورٹ طلب کرلی