زیر حراست اپوزیشن ارکان قومی اسمبلی کے پروڈکشن آرڈرز جاری

اسلام آباد( طاہر خلیل )اسپیکر قومی اسمبلی سردار ایاز صادق نے اسلام آباد پولیس کی زیر حراست اپوزیشن ممبران قومی اسمبلی کے پروڈکشن آڈرز جاری کر دیے۔جن ممبران قومی اسمبلی کے پروڈکشن آرڈرز جاری کیے گئے ہیں ان میں چیف وہپ ملک عامر ڈوگر، زین حسین قریشی، وقاص اکرم، شیر افضل مروت، محمد احمد چھٹہ، زبیر خان وزیر، اویس حیدر جکھڑ، سیداحد علی شاہ، نسیم علی شاہ، محمد یوسف خان شامل ہیں۔قومی اسمبلی سیکرٹریٹ کی جانب سیکرٹری داخلہ، چیف کمشنر اسلام آباد، آئی جی اسلام آباد کو جاری مراسلے میں زیر حراست ممبران کو قومی اسمبلی کے رواں جاری اجلاس میں شرکت کو یقینی بنانے کی ہدایت کی ہے۔پی ٹی آئی کے زیر حراست ارکان آج ( جمعرات) قومی اسمبلی اجلاس میں شریک ہوں گے ۔