اسلام آ باد کی سیا ست میں اہم پیش رفت ؛وزیر اعظم سے بلا ول کی ملاقات

اسلام آ باد ( نیوز رپورٹر) وفاقی دار الحکومت اسلام آ باد کی سیا ست میں اہم پیش رفت ہے کہ وزیرِ اعظم محمد شہباز شریف سے پاکستان پیپلز پارٹی کے وفد نے بدھ کی شام چیئرمین بلاول بھٹو زرداری کی قیادت میں ملاقا ت کی ہے۔ وزیر اعظم آفس سے جاری اعلامیہ کے مطا بق وفد میں سید نوید قمر اور مئیر کراچی مرتضی وہاب شامل تھے۔ ملاقات میں نائب وزیرِ اعظم و وزیر خارجہ اسحاق ڈار، وزیرِ قانون و انصاف اعظم نذیر تارڑ، وزیرِ اطلاعات و نشریات عطاء اللہ تارڑ اور اٹارنی جنرل بھی شریک تھے۔ ملاقات ملکی سیاسی صورتحال پر مشاورت کی گئی ۔ وزیر اعظم نے اس موقع پر کہا کہ پاکستان پیپلز پارٹی حکومت کی اہم اتحادی جماعت ہے۔ انہوں نے کہا کہ پاکستان پیپلز پارٹی نے ملکی معیشت کے استحکام کیلئے حکومت کا ہر اقدام میں ساتھ دیا۔وزیر اعظم نے چیئرمین پیپلز پارٹی بلاول بھٹو زرداری کی پارلیمنٹ میں دی گئی تجویز "چارٹر آف پارلیمنٹ" کو سراہا اور اس بات کا اظہار کیا کہ اس سے جمہوریت اور پارلیمنٹ مزید مضبوط ہوں گے۔پاکستان پیپلز پارٹی کے وفد نے ملکی معیشت کے استحکام کیلئے حکومتی معاشی پالیسیوں کی تعریف کی۔ پاکستان پیپلز پارٹی کے وفد نے حکومتی پالیسیوں و اقدامات پر مکمل اعتماد کا اظہار کیا جس کا وزیرِ اعظم نے خیر مقدم کیا۔