افغانستان کا تائپی گیس پائپ لائن پر کام شروع کرنیکا اعلان

کراچی (نیوز ڈیسک) افغانستان میں قائم طالبان حکومت نے کہا ہے کہ وہ جنوبی ایشیا سے گزرنے والی 10 ارب ڈالر کی گیس پائپ لائن ’تاپی‘ پر کام کا آغاز کررہی ہے۔یہ اعلان ایسے وقت میں سامنے آیا جب ترکمانستان کے حصے کی پائپ لائن کی تکمیل ہوئی، یہ منصوبہ تاجکستان، افغانستان، پاکستان اور بھارت کے درمیان گیس پائپ لائن بچھانے کے لیے شروع کیا گیا تھا جسے ’تاپی‘ کہا جاتا ہے۔ غیر ملکی خبررساں ادارے کی رپورٹ کے مطابق تنازعات سے متاثرہ افغانستان میں سیکورٹی مسائل کی وجہ سے متعدد بار تاخیر کا شکار رہنے والے ’تاپی پائپ لائن‘ پر اہم پیش رفت ہوئی ہے۔ طالبان حکومت کے ترجمان ذبیح اللہ مجاہد نے افغان سرکاری ٹیلی ویژن کو دیے گئے انٹریو میں یہ اعلان کیا کہ آج اس تاپی منصوبے پر افغانستان کی سرزمین پر کام شروع ہوجائے گا۔