میپکو کا رینجرز، ایف آئی اے اور دیگراداروں کیساتھ مل کربجلی چوروں کیخلاف آپریشن کا فیصلہ

ملتان (سٹاف رپورٹر)میپکو ملتان سرکل کے زیر انتظام شجاع آباد اور گردونواح میں بجلی چوروں اور نادہندہ صارفین کے خلاف آپریشن کرنے کا فیصلہ، میپکو کی ٹیمیں قانون نافذ کرنے والے اداروں کے ہمراہ ڈے اینڈ نائٹ آپریشن کریں گی۔سپریٹنڈنگ انجینئر آپریشن میپکو ملتان سرکل امجد نواز بھٹی نے کہا کہ شجاع آباد، جلال پور پیر والا اور علی پور سادات کے نو گو ایریاز میں بجلی چوری کے خاتمے کے لئے رینجرز اور پولیس کے ہمراہ آپریشن کیا جائے گا اور بجلی چوری میں ملوث افراد کے خلاف نہ صرف مقدمات درج کروائیں گے بلکہ انہیں موقع سے گرفتاربھی کروائیں گے،ملتان سرکل کے کانفرنس روم میں شجاع آبادڈویژن کے افسران کے خصوصی اجلاس سے خطاب کرتے ہوئےنہوں نے مزیدکہا کہ ماہانہ بلوں کی عدم ادائیگی پررننگ ڈیفالٹرز کے کنکشنز منقطع کئے جارہے ہیں جبکہ مستقل نادہندگان کے خلاف لینڈ ریونیو ایکٹ کے تحت آپریشن کیاجارہاہے۔