میجر عزیز بھٹی کا 59 واں یوم شہادت آج منایا جائیگا

سیالکوٹ (نمائندہ جنگ) میجر عزیز بھٹی کا 59 واں یوم شہادت آج منایا جائے گا۔وائس چانسلر گورنمنٹ وویمن یونیورسٹی سیالکوٹ پروفیسر ڈاکٹر زریں فاطمہ نے کہا کہ میجر عزیز بھٹی نے اپنی کمپنی کے ساتھ 6 دن اور راتیں لگا تار دشمن کو نہ صرف روکے رکھا بلکہ بد ترین شکست سے بھی دوچار کیا، لاہور کا یہ محافظ دشمن کی راہ میں سیسہ پلائی دیوار بن گیا اور دشمن کو ایک قدم بھی آگے نہ بڑھنے دیا، 12 ستمبر کو دشمن کے ایک ٹینک کا گولا میجر عزیز بھٹی کے بائیں شانے پر لگا اور وہ جامِ شہادت نوش کر گئے۔بے مثال شجاعت کے اعتراف میں میجر عزیز بھٹی شہید کو سب سے بڑے فوجی اعزاز نشانِ حیدر سے نوازا گیا،چیف وارڈن سول ڈیفنس طاہر مجید کپور نے ڈپٹی چیف سول ڈیفنس عبد الستار خان،امجد خان،اسلام میر اور گروپ وارڈن سے خطاب میں میجر عزیز بھٹی کی شہادت کو قوم کی حیات سے تعبیر کیا،اس موقع پر عزیز بھٹی کیلئے دعائے مغفرت کی۔