دنیابھر میںپاکستان کے 93پاسپورٹ دفاتر موجود‘عطاتارڑ

اسلام آباد(اے پی پی)وزیر اطلاعات عطاءاللہ تارڑ نے کہا ہے کہ دنیا کے مختلف ممالک میں ہمارے 93پاسپورٹ دفاتر قائم ہیں ‘ افغانستان کے اندر ہمارا کوئی پاسپورٹ آفس نہیں، پاسپورٹ آفس آبادی کے تناسب سے قائم کئے جاتے ہیں، نجی عمارتوں کے ماسٹر پلان میں جب تک فائر سیفٹی پلان نہیں ہوگا، ان عمارتوں کی منظوری نہیں دی جاتی۔ وہ بدھ کو قومی اسمبلی کے اجلاس میں وقفہ سوالات کے دوران ارکان کے ضمنی سوالات پر جواب دے رہے تھے۔ وزیر اطلاعات نے کہا کہ جب کم از کم اجرت کا تعین کیا جاتا ہے تو چاہے یومیہ اجرت یا کنٹریکٹ پر ملازم ہو، اسے ایک ماہ میں 37 ہزار روپے ادا کرنا ہوں گے۔مالٹا کے معاملہ پر ویزوں کے حوالے سے سائیڈ لائن میٹنگ ہونی چاہئے، وزارت داخلہ کے ایڈیشنل سیکریٹری کو بلا کر یہ مسئلہ حل کروایا جائے گا۔ اکثر ویزوں میں یہ مسئلہ آتا ہے، میری کوشش ہوگی کہ یہ مسئلہ ابھی حل کرلیا جائے۔