مہر گل مری کو فوری بازیاب کرایا جائے، اہل خانہ کی اپیل

کوئٹہ(اسٹاف رپورٹر)مبینہ طور پر لاپتہ مہر گل مری کے اہل خانہ نے حکومت سے مطالبہ کیا ہے کہ مہر گل مری کو فوری بازیاب کرایا جائے ، یہ بات لاپتہ مہر گل مری کے اہل خانہ نے ہفتہ کو وائس فار بلوچ مسنگ پرسنز کے کیمپ میں پریس کانفرنس کرتے ہوئے کہی ۔ انہوں نے کہا کہ مہر گل مری کے لاپتہ ہونے کے خلاف ہم نے عدالت سے رجوع کیا اور عدالت نے ان کو بازیاب کرانے کے احکامات جاری کئے تاہم تاحال ان کے بارئے میں کچھ معلوم نہیں کہ وہ کہاں ہیں ۔ انہوں نے کہا کہ مہر گل مری محکمہ زراعت میں گریڈ 18 کے افسر اور ڈیرہ بگٹی میں تعینات تھے ، ان کی بازیاب کیلئے ہم نے ہر دروازہ پر دستک دی ، ریڈ زون اور اسلام آباد میں بھی دھرنا دیا گیا لیکن تاحال ان کو بازیاب نہیں کیا گیا ، انہوں نے مطالبہ کیا کہ مہر گل مری کو فوری بازیاب کیا جائے ۔