شہید پولیس اے ایس آئی سپرد خاک

پشین(نامہ نگار) کچلاک میں پولیس وین پر ریموٹ کنٹرول بم دھماکہ کے نتیجے میں شہید ہونیوالے پولیس کے اے ایس آئی شہید زین الدین ترین کو ان کے آبائی علاقے کلی لوئی علیزئی پشین میں سپرد خاک کردیا گیا۔ قبل ازیں شہید زین الدین ترین کی نماز جنازہ ادا کردی گئی، جس میں مختلف سرکاری آفیسران، وکلاء، صحافیوں اور قبائیلی معتبرین سمیت علاقے کے عوام نے کثیر تعداد میں شرکت کی۔ شہید پولیس اے ایس آئی کی فاتحہ خوانی جامع مسجد اڈا کلی لوئی علیزئی میں جاری ہے۔