فریال تالپور سے کرن بلوچ کی ملاقات، پارٹی امور پر تبادلہ خیال

کراچی (پ ر)پاکستان پیپلز پارٹی خواتین ونگ کی مرکزی صدرادی فریال تالپور سے صوبائی سیکرٹری اطلاعات محترمہ کرن بلوچ نےہفتے کوبلاول ہائوس کراچی میں ملاقات کی اور انہوں عمرے کی سعادت حاصل کرنے پر مبارکباد دی، اس موقع پر سیاسی صورتحال اور تنظیمی امور پر تبادلہ خیال کیا گیا، محترمہ فریال تالپور نے اس موقع پر کہا کہ ملک بھر میںعوام نے پاکستان پیپلز پارٹی کو بھاری مینڈیٹ دیکر منتخب کیا ہے ،پارٹی عوام کی امنگوں پر پورا اترنے کی ہرممکن کوشش کر رہی ہے، پاکستان پیپلز پارٹی کی جڑیں عوام میں ہیں اور عوام کی خدمت ہی ہماری سیاست کا محور و مقصد ہے، انہوں نے کہا کہ پارٹی کی دیرینہ اور قربانیاں دینے والے کارکنوں کونظر اندازنہیںکیا جائیگا اور انکے مسائل حل کئے جائیں گے۔اس موقع پر کرن بلوچ نے ادی فریال تالپور کی قیادت پر اعتماد کا اظہار کرتے ہوئےکہا کہ پارٹی عوام کی امیدوں کو ٹھیس نہیں پہنچائے گی، بی بی شہید کے ویژن کو صدر مملکت آصف علی زرداری اور چیئرمین بلاول بھٹو زرداری کی قیادت میں تکمیل تک پہنچائیں گے، انہوں نے کہا کہ بلوچستان کی خواتین کو درپیش مسائل کے حل کیلئے اقدامات کئے جا رہے ہیں۔