کرپشن میں ملوث عناصر کیخلاف کارروائی کی جائے‘ آئل ٹینکرز اونر

کوئٹہ (آن لائن) چیئرمین آل پاکستان آئل ٹینکرز اونر ایسوسی ایشن شمس شاہوانی نے کہا ہے کہ ملک میں کرپشن کی انتہا ہوگئی ،دیگر مافیا کی طرح اب پیٹرول میں بھی کرپشن ہونے لگی ۔انہوں نے الزام لگاتے ہوئے کہا کہ ایک کمپنی میں دوران ملازمت ایک افسر نے کرپشن کی جس سے قومی خزانے کو نقصان پہنچا اور نہ صرف پیٹرول کا بحران پیدا ہوا بلکہ ٹرانسپورٹرز کو بھی شدید نقصان اٹھانا پڑا اور اب بھی عوام کو لوٹنے کی کوشش کی جارہی ہے۔انہوں نے حکومت سے اپیل کرتے ہوئے کہا کہ جسے اسمگلنگ منشیات اور دیگر کارروائیاں ہو رہی ہیں تو اس شخص کیخلاف بھی کارروائی عمل میں لائی جائے ۔