عوام کی ترقی وخوشحالی کیلئے تعلیم وصحت پر توجہ وقت کی اہم ضرورت ہے،ڈاکٹر حفیظ

کوئٹہ(پ ر) الخدمت فاؤنڈیشن پاکستان کے صدر پروفیسرڈاکٹرحفیظ الرحمان نے کہاکہ بیس کروڑلاگت سے تیارالخدمت ہسپتال کوئٹہ بلوچستان کے عوام کے علاج کیلئے بہترین قیمتی تحفہ ہے عوام کی ترقی وخوشحالی کیلئے تعلیم وصحت پر توجہ وقت کی اہم ضرورت ہے ۔ملک میں دوکروڑباسٹھ لاکھ بلوچستان میں 28لاکھ بچے سکول سے باہر ہیں سینکڑوں میلوں دور علاج کی سہولیات دستیاب نہیں ۔الخدمت فاؤنڈیشن کا ملک بھر میں تیس ہزار یتیم بچوں کی کفالت کر رہی ہے ۔56ہسپتال ،350ایمبولینس اور22آغوش سینٹر (یتیم خانے) کچرہ چننے والے بچوں کی تعلیم کیلئے 80سینٹرزقائم کیے گیے ہیں بلوچستان میں پڑھتابلوچستان کے نام سے دوسوتعلیمی سینٹرزبلوچستان میں قائم کیے ہیں۔الخدمت کوئٹہ ہسپتال میں معیاری وسستی علاج کی سہولیات فراہم کریں گے۔معیار پر کوئی کمپرومائزنہیں کیاجائیگا ۔ہسپتال آنے والے مستحق مریضوں کو علاج کے بغیر جانے نہیں دیں گے ان خیالات کا اظہارانہوں نے بروری روڈ پر قائم الخدمت فاؤنڈیشن کی جانب سے کوئٹہ بلوچستان کے عوام کے بہترین معیاری وسستے علاج کے جدید ہسپتال کے افتتاح کے موقع پر میڈیاسے گفتگوبعدازاں افتتاح تقریب سے خطاب کرتے ہوئے کیاافتتاح تقریب میں امیر جماعت اسلامی بلوچستان مولانا عبدالحق ہاشمی ،ایم پی اے بلوچستان عبدالمجید بادینی ،الخدمت فاؤنڈیشن کے مرکزی سینئر نائب صدر سابق ایم پی اے پنجاب سید احسان اللہ وقاص ،مرکزی نائب صدرڈاکٹرمشتاق احمدمانگٹ،الخدمت فاؤنڈیشن بلوچستان کے صدر انجینئر جمیل احمدکرد، جماعت اسلامی بلوچستان کے جنرل سیکرٹری زاہدا ختر بلوچ،مولانا عبدالکبیرشاکر،اعجازمحبوب نے بھی خطاب کیا۔