جعفرمندوخیل کی کاوشوں سے بی آرسی ژوب کی سیٹوں میں اضافہ ہوا،پرنسپل

ژوب (آن لائن)گورنر بلوچستان کی کوششوں سے بی آر سی ژوب کی سیٹیں ایک سے بڑھا کر 16 کردی گئی ہیں جو کہ گورنر بلوچستان کا ژوب کے عوام کیلئے تعلیم دوست اقدام ہے ان خیالات کا اظہار پرنسپل بی آر سی احسن اقبال نے بی آر سی میں مسلم لیگ کے وفد سے گفتگو کرتے ہوئے کیا مسلم لیگ کے ضلعی صدر محمد رحیم عبدالمالک قبائلی مشر عبداللہ خان کاکڑ ظاہر خان شمس الحق اور آزاد خان نے ان سے ملاقات کی اور کالج کو دیگر درپیش مسائل پر تفصیلی گفتگو ہوئی پرنسپل نے کہا کہ پہلے ژوب کی صرف ایک سیٹ تھی اب گورنر بلوچستان کی کوششوں سے 16 کردی گئی ہیں جس کا پیپر ورک آخری مرحلہ میں ہے اور اکتوبر میں منظوری ہو جائے گی اس موقع وفد نے کہا کہ جعفر مندوخیل شعبہ تعلیم کی ترقی میں خصوصی دلچسپی رکھتے ہیں اور بی آر سی کے طلبا کی سیٹوں میں اضافہ ان کی ژوب کے عوام کیلئے تعلیم کے میدان میں خدمت کا منہ بولتا ثبوت ہے جس سے ژوب کے غریب اور لائق طلبا مستفید ہونگے۔