قیام امن کیلئے پولیس کی قربانیاں قابل فخر ہیں‘ علی مددجتک

کوئٹہ(پ ر) صوبائی وزیر زراعت حاجی علی مدد جتک نے کچلاک بوستان شاہراہ پر پولیس موبائل کے قریب دھماکے کی مذمت کرتے ہوئے کہاہے کہ اس طرح کی شرپسندانہ کارروائیاں پولیس کا مورال پست نہیں کر سکتیں صوبے میں امن و امان کے لئے پولیس نے بے مثال قربانیاں دی ہیں صوبائی حکومت شہید اہلکاروں کےلواحقین کو تنہا نہیں چھوڑے گی اوران کی ہرممکن معاونت کی جائے گی دہشت گردی کیخلاف جنگ میں پولیس اور سیکورٹی فورسز کی قربانیاں تاریخ رقم کررہی ہیں جس پر عوام کو فخر ہے صوبائی وزیر نے شہداء کی جنت میں میں بلنددرجات اورپسماندگان کیلئےصبرجمیل کی دعاکی۔