اسرائیل غزہ کی جنگ میں پھنس کرلہولہان ہے،جنرل زلیف

مقبوضہ بیت القدس (جنگ نیوز ) اسرائیل کے ایک اعلیٰ فوجی افسر میجر جنرل اسرائیل زلیف نے کہا کہ اسرائیل غزہ میں پھنس کر لہو لہان ہے ۔ اسرائیلی چینل 12کے مطابق سابق ہیڈ آف آپر یشنز نے غزہ میں جنگ کے طول پکڑنے پر تنقید کی اور کہا کہ اسرائیل دلدل میں دھنستا جار ہا ہے ۔ میجر جنرل اسرائیل زلیف جنہوں نے اس سے قبل فوج کے غزہ ڈویژن کی قیادت کی تھی ۔ انہوں نے کہا کہ غزہ کے جنگ وزیراعظم پنجامن نیتن یا ہو اور ان کی حکومت کے سیا سی استحکام کا ذریعہ بن گئی ہے ۔ اس کے نتیجے میں وہ اپنی سیا سی پوزیشن کو بر قرار اور اسے طول دینے میں کامیاب ہونے کے علاوہ اپنے خلاف کر پشن کے مقدمے کو التوا میں ڈالے رکھنے میں کامیاب ہو سکتے ہیں ۔ جرم ثابت ہونے پر انہیں قید بھی ہو سکتی ہے ۔ جنرل زلیف نے کہا کہ غزہ میں ایک سال سے جارہی تاریخ کی طویل ترین تھکا دینے والی جنگ نے اسرائیل کےلیے نہ ختم ہونے والا سیکورٹی کا بحران کھڑا کردیا ہے ۔ صورتحال بہتر ہونے کے بجائے دن بدن بگڑتی جارہی ہیں ۔ جس کے حال کا کوئی واضح اور صاف راستہ نظر نہیں آرہا ۔ نیتن یاہو نے 6ماہ قبل کہا تھا کہ اسرائیل کی فتح قریب ہے کہ ایک عر صہ گزر جانے کے باوجود اس غزہ جنگ کے خاتمے کے آثار نہیں ہیں ۔