چینی قیادت کا پاکستان کی علاقائی سالمیت‘ خودمختاری کی حمایت کا اعادہ

اسلام آباد (رپورٹ:حنیف خالد)چینی قیادت کا پاکستان کی علاقائی سالمیت‘ خودمختاری کی حمایت کا اعادہ،جنرل ساحر شمشاد مرزا کی چین میں فوجی حکام سے ملاقاتیں، بیجنگ شیانگشان فورم میں بھی خطاب ،چیئرمین جوائنٹ چیفس آف اسٹاف کمیٹی جنرل ساحر شمشاد مرز اجو عوامی جمہوریہ چین کے سرکاری دورے پر ہیں نے سینٹرل ملٹری کمیشن (سی ایم سی) کے وائس چیئرمین جنرل ہی ویڈونگ اور سی ایم سی جوائنٹ اسٹاف ڈیپارٹمنٹ کے چیف جنرل لیو ژنلی سے الگ الگ ملاقاتیں کیں اور 11ویں بیجنگ شیانگشان فورم میں ’’علاقائی امن اور استحکام میں پاکستان کا کردار‘‘ کے موضوع پر خطاب کیا۔ملاقاتوں کے دوران دونوں فریقین نے پاکستان اور چین کے درمیان تاریخی تعلقات کو سراہا اور دوطرفہ اسٹرٹیجک تعاون پر مبنی شراکت داری اور دفاعی تعاون میں پیشرفت کا اعادہ کیا۔چینی قیادت نے بھی پاکستان کی علاقائی سالمیت اور خودمختاری کے تحفظ کیلئے اپنی غیر متزلزل حمایت کا اعادہ کیا۔