منشیات فروشی اور غیر اخلاقی حرکات کے الزام میں 6افراد گرفتار،3کلو چرس برآمد

ملتان( سٹاف رپورٹر ) پولیس کی جرائم پیشہ عناصر کے خلاف کارروائیاں، منشیات فروشی اور غیر اخلاقی حرکات کے الزامیں 6افراد گرفتار ، 3کلو سے زائد چرس برآمد، تفصیلات کے مطابق مخدوم رشید پولیس نے کارروائی کرتے ہوئے منشیات فروشی کے الزام میں دو ملزمان کو گرفتار کرکے تین کلو سے زائد چرس برآمد کرلی ،کینٹ پولیس نے اشتہاری ملزم اللہ بچایا کی گرفتاری کیلئے قحبہ خانہ پر چھاپہ مارا جہاں ملزم ارشد نے اشتہاری کو فرار کرادیا جب کہ اس موقع پر غیر خلاقی حرکات میں ملوث دو عورتوں سمیت چار افراد کو گرفتار کر کے مقدمہ درج کر لیا،سیتل ماڑی پولیس نے خاتون کو اغوا کرنے کے الزام میں ایک شخص کے خلاف مقدمہ درج کرلیا ،تھانہ شاہ شمس اور لوہاری گیٹ پولیس نے لوکل گورنمنٹ ایکٹ کی خلاف ورزی کرنے کے الزام میں دوافراد کے خلاف مقدمات درج کرلیے، والدین تحفظ ایکٹ کی خلاف ورزی کرنے کے الزام میں گلگشت پولیس نےوالدہ پر تشدد کرنے والے نافرمان بیٹے کے خلاف مقدمہ درج کرلیا ،امانت میں خیانت کرنے کے الزام میں پولیس نے ایک شخص کے خلاف مقدمہ درج کرلیا جب کہ پولیس نے لڑائی جھگڑوں کے الزام میں11افراد کے خلاف مقدمات درج کرلیے ۔