اسٹاک مارکیٹ میں تیزی، انڈیکس نئی بلند ترین سطح پر

کراچی ( اسٹاف رپورٹر)اسٹاک مارکیٹ میں تیزی، انڈیکس نئی بلند ترین سطح پر، پاکستان اسٹاک ایکس چینج، امریکن سینٹرل بینک کی جانب سے شرح سود میں کمی اور آئی ایم ایف بورڈ میٹنگ ایجنڈے میں پاکستان کا نام شامل ہونے کی خبروں پر مارکیٹ میں تیزی کی بڑی لہر، کے ایس ای100انڈیکس میں998 پوائنٹس کا اضافہ،81 ہزار پوائنٹس کی نفسیاتی حد عبور ہو گئی،سرمایہ کاری مالیت 55 ارب 80 کروڑ 6 لاکھ روپے بڑھ گئی،50.95 فیصد کمپنیوں کے شیئرز کی قیمت میں کمی،کاروباری حجم 14.70 فیصد زیادہ رہا، تفصیلات کے مطابق ملک کے معاشی اشاریے بہتر ہونے،آئی ایم ایف بورڈ میٹنگ میں پاکستان کے لئے قرض کی منظوری کی اطلاعات اورامریکن سینٹرل بینک کی جانب سے توقع سے بڑھ کر شرح سود میں کمی کی خبروں سے جمعرات کو مارکیٹ میں زبردست سرگرمی دیکھنے میں آئی۔