سپریم کورٹ کمیٹی کا اجلاس موخر

اسلام آباد (جنگ رپورٹر) سپریم کورٹ (پریکٹس اینڈ پروسیجر) ایکٹ 2023 کے تحت قائم کمیٹی کا جمعرات کے روز منعقد ہونے والا اجلاس موخر کردیا گیا۔ ذرائع کا کہنا ہے کہ ججز کمیٹی کے اجلاس کے ایجنڈے میں آئین کے آرٹیکل 63 اے سے متعلق سپریم کورٹ کے فیصلے پر نظر ثانی اور آڈیو لیک کیس سے متعلق درخواستیں شامل تھی۔ یاد رہے کہ سپریم کورٹ (پریکٹس اینڈ پروسیجر) ایکٹ 2023 کے تحت قائم کمیٹی چیف جسٹس قاضی فائز عیسیٰ کی سربراہی میں جسٹس سید منصور علی شاہ اور جسٹس منیب اختر پر مشتمل ہے۔