سوڈان میں پاکستانی امن اہلکاروں کی پیشہ ورانہ مہارت بھارتی فورس کمانڈر کا اعتراف

اسلام آباد (نمائندہ جنگ) آئی ایس پی آر کی طرف سے جاری بیان میں بتایا گیا ہے کہ بھارت کے لیفٹیننٹ جنرل ایس موہن نےآرمی چیف جنرل سید عاصم منیرکو خط لکھا ہے، جس میں انہوں نے پاکستانی فوجیوں کی لگن اور عزم کو سراہا ہے،تفصیلات کے مطابق آئی ایس پی آر کی جانب سے جاری بیان میں کہا گیا کہ پاکستانی امن اہلکاروں کی پیشہ ورانہ مہارت کا بھارتی فورس کمانڈر نے بھی اعتراف کیا ہے، لیفٹیننٹ جنرل ایس موہن نے خط میں پاکستانی دستے کی پیشہ ورانہ خدمات کا اعتراف کیا۔آئی ایس پی آر نے کہا کہ پاکستانی امن دستے جنوبی سوڈان میں فرائض سرانجام دینے میں مصروف ہیں، اہلکاروں کی جانب سے سوڈانی شہریوں کے تحفظ کیلئے پیچیدہ اور چیلنجنگ ماحول میں فرائض کی انجام دہی جاری ہے.اہلکاردن رات سیلاب سے متاثرہ علاقوں میں اڑھائی لاکھ بےگھرافرادکی خدمت میں مصروف ہیں، فورس کمانڈر یونائیٹڈ مشن لیفٹیننٹ جنرل ایس موہن نے پاکستانی دستے کی پیشہ ورانہ مہارت کا اعتراف کیا۔