بارہویں جماعت خصوصی امیدواروں (آرٹس ریگولر گروپ) کے نتائج کا اعلان

کراچی(اسٹاف رپورٹر) اعلیٰ ثانوی تعلیمی بورڈ کراچی نے انٹرمیڈیٹ بارہویں جماعت خصوصی امیدواروں (آرٹس ریگولر گروپ) کے سالانہ امتحانات برائے 2024ء کے نتائج کا اعلان کردیا ہے۔ چیئرمین انٹربورڈ سید ذوالفقار علی شاہ نے نتائج کا اعلان کرتے ہوئے بتایا کہ خصوصی امیدواروں کے امتحانات میں دیوا ہائیر سیکنڈری اسکول کی طالبہ طوبیٰ شبیر احمد بنت شبیر احمد رول نمبر 795525 نے ٹوٹل 1100میں سے 1014نمبرز اے ون گریڈ کے ساتھ پہلی پوزیشن، ABSA کالج فار ڈیف کے طالب علم کمال کمار ولد اشوک کمار رول نمبر 795101 نے 999 نمبرز اے ون گریڈ کے ساتھ دوسری پوزیشن جبکہ ABSAکالج فار ڈیف کی طالبہ فرح بنت اسرار احمد رول نمبر 795542 نے 977نمبرز اے ون گریڈ کے ساتھ تیسری پوزیشن حاصل کی۔